Fylgni milli aukinnar líkamsfitu minnar og Hálslóns

Þessa frétt staldraði ég við í gærkvöldi þegar ég heyrði hana í sjónvarpinu. Ég hjó sérstaklega eftir þeirri staðreynd sem Páll Einarsson jarðeðlisfræðingur varpar fram: "Fylgni er milli jarðhræringa á svæðinu og fyllingar Hálslóns."

Og svo segir hann í frétt á visi.is: "Hann segir að tengsl séu á milli fyllingar Hálslóns og skjálftanna við Upptyppinga því að skjálftahrinan hafi farið af stað þegar Hálslón við Kárahnjúka tók að fyllast."

Og enn frekar "Páll sagði að ekki væri búið að útiloka að Hálslón hefði haft áhrif á skjálftavirknina við Upptyppinga. Vottur af fylgni væri á milli vatnsborðsins í lóninu og skjálftavirkninnar við Upptyppinga. Hins vegar skorti alveg eðlisfræðilega skýringu á því hvernig á því ætti að standa." !!

Samkvæmt þessu vantar EÐLISFRÆÐILEGAR skýringar á fylgni milli fyllingar Hálslóns og skjálftavirkni á Upptyppingum. Það EKKI vitað hvort þetta tengist!

Samkvæmt mínum útreikningum er jafn mikil fylgni milli aukinnar LÍKAMSFITU minnar og fyllingu Hálslóns! Ég byrjaði að fitna þegar Hálslón tók að myndast. Ég á bara eftir að finna EÐLISFRÆÐILEGA skýringu á tengslunum!!!!

Athugasemdir

[Axel Jón Fjeldsted (IP-tala skráð) 24.10.2007 kl. 23:42]

gaman að lesa svona eitthvað af viti Einar. Kveðja að sunnan.

[Pétur F. (IP-tala skráð) 25.10.2007 kl. 14:37]

Hvaða djöfulsins lón byrjuðu þeir eiginlega að fylla fyrir þetta 5-6 árum þegar ég byrjaði að fitna??????????????????????

Hlýtur að vera grundvöllur fyrir skaðabótamáli

[Einar Ben Þorsteinsson, 25.10.2007 kl. 15:02]

Sæll Pétur, gaman að sjá að þú lifir. Hugsanlega ættum við að fara í hópmál saman með fleiri fitukeppum.

[Baldvin Jónsson, 30.10.2007 kl. 01:14]

Já, þú segir nokkuð.  Fylling lónsins hefur og valdið mér kvíða. Kvíða sem aftur hefur ýtt undir sælgætis þörfina mína!!!

Er ekki komið þarna gott tækifæri til málshöfðunar?

[Einar Ben Þorsteinsson, 30.10.2007 kl. 18:51]

Ragnar Hall tekur þetta mál upp á sína arma Baddi......ekki annar kostur í stöðunni!