Fávitans vörugjöld

Skattahækkanir ríkisins í formi vörugjalda eru fávitans verknaðir. Við vitum öll að þetta kemur beint fram í hækkun vísitölu, og þar með hærri afborgana, og þar með verri lífskjara.

 Hví er ekki hægt að hækka skatta beint á laun og láta þar við sitja? Hefur það kannski ekki nógu slæm áhrif á okkur fávitana? Er einhver búinn að reikna út hversu víðtækar afleiðingar þetta hefur? Eða eru þetta bara geðþóttaákvarðanir embættis- og stjórnmálamanna með afar háa greindarvísitölu, en lítið brjóstvit?


mbl.is Bensínið kostar 60.000 meira
Tilkynna um óviðeigandi tengingu við frétt

"Samtrygging er stundum góð...." !!!!

Snarstoppaði við þessar setningar Hannesar Hólmsteins Gissurarsonar:
"Klíkuskapur er annað orð á kunningsskap, og hann er hvort tveggja, kostur og galli. Okkur verður heldur starsýnt á gallana þessa dagana, en megum ekki gleyma kostunum. Samtrygging er stundum góð og stundum vond."
Nú hefði ég viljað fá Hannes til að útskýra hvenær samtrygging er góð og hvenær slæm. Er það þegar honum hentar; sem samtrygging er af hinu góða? Hélt að enginn færi út á þann hála ís þessa dagana að mæla samtryggingu bót. Samtryggingin er ein helsta uppgötvun kjallaramenningarinnar í Valhöll.

Ritstuldur moggans?

Er þessi frétt ritstuldur? Það liggur í augum uppi að fréttamenn Morgunblaðsins hafa ekki hringt í Ferguson sjálfir. Samt geta þeir vitnað beint í hann. Hver talaði við hann? Hvaða fjölmiðill birti þessa frétt? Hvaðan var henni stolið? Hver þýddi?

Meðan ekki er vitnað í heimildir er um ritstuld að ræða.  Ljósmyndin er greinilega keypt frá Reuters og merkt þeirri fréttastofu. Ef til vill væri hægt að bera sömu virðingu fyrir textanum?


mbl.is Ferguson: Giggs er einstakur
Tilkynna um óviðeigandi tengingu við frétt

Glæsibær

Til hamingju Vestfirðingar! Frábær áfangi í samgöngum á Íslandi. Þá er að sprengja þau næstu. Byggðirnar lifna við þetta - þetta eru hin einu sönnu byggðamál.
mbl.is Kristján sprengdi í göngunum
Tilkynna um óviðeigandi tengingu við frétt

Ný andlit vs. gömul smetti

Þetta líst mér afskaplega vel á. Þar er á ferðinni gæðadrengur og gæðasál - vonandi mun það gagnast borgarpólitíkinni.

 Nú hefði ég haldið að aðrir flokkar ættu að stíga endurnýjunarstíginn. Hvað með Sjálfstæðiflokkinn? Ætlar ekkert nýtt andlit að fara í "gömlu" smettinn í borginni? Er enginn í Sjálfstæðismaður/kona eða sem er ósátt/ur við Orkuveituævintýrin, Edinborgardrauma o.fl. ?


mbl.is Einar sigraði Óskar
Tilkynna um óviðeigandi tengingu við frétt

Að sjálfsögðu

Við getum fagnað þessu. Loksins! Nú hættum við hinir sem borgum skatt að borga með sjómönnum. Sjómenn geta þá komið þessari kjaraskerðingu inn í sína kjarasamninga eins og við hin. Við eigum ekki að þurfa að niðurgreiða laun sjómanna fyrir útgerðarmenn. Takk fyrir þetta Steingrímur.
mbl.is Boðar afnám sjómannaafsláttar
Tilkynna um óviðeigandi tengingu við frétt

Mási, lækkaðu vexti

Já - líklegast kominn tími til að Seðlabankinn fari markvisst að vinna í því að styrkja krónuna. Vona að þetta sé skref í átt til afnáms gjaldeyrishafta að einhverju leyti. En Mási mætti fara að lækka vexti - það er allt sem öskrar á það.
mbl.is Gjaldeyrisforðinn styrkist
Tilkynna um óviðeigandi tengingu við frétt

Vill fá hana í ríkisstjórn

Það er nákvæmlega svona konu sem okkur vantar í ríkisstjórn - hún gæti til að mynda leyst Gylfa Magnússon af sem bankamálaráðherra. Myndi skapa mikla ánægju meðal íslenskra fátæklinga. :)
mbl.is Of góð til að vinna í banka
Tilkynna um óviðeigandi tengingu við frétt

Smákrimma ber að lögsækja

Það er einkennismerki sjoppu- og smáþjófa að benda á þá sem stolið hafa meiru. Samt sem áður ber að lögsækja "smákrimma" skv. lögum. "Smákrimmar" lenda oftast nær í umtali vegna gjörða sinna, og það er óþægilegt. En datt Baldri aldrei í hug að skammast sín?
mbl.is Lögmanni Baldurs algjörlega ofboðið
Tilkynna um óviðeigandi tengingu við frétt

Ósiðlegir og löglegir, tvöhundruðföld árslaun

William þessi Fall var staddur í Kastljósi í gærkveldi. Þar var augljóslega hægversklega gengið fram í gagnspurningum, enda kunna íslenskir spyrlar ekki að spyrja gagnrýninna spurninga á öðru tungumáli en íslensku, ef þeir kunna það á annað borð.

 Þar útskýrði þessi Fall, að fall Straums var erfitt. Að hann lætur lagaleg sjónarmið ráða ferðinni og gerir lagalegar kröfur. Hann bendir einnig á að augljóslega eru siðferðileg álitaefni einnig til staðar, en útskýrir hann tekur ekki afstöðu til siðferðis - aðeins lagalegs réttar.

 Á þessari hugsanabrenglun er íslenska útrásin byggð. Bankamenn, lögfræðingar og endurskoðendur - sem aðeins líta til lagalegra sjónarmiða, ekki siðferðislegra. Kjörorð þeirra gætu allt eins verið: "ÓSIÐLEGT, svo lengi sem það er löglegt."

Fall er þess vegna enn á villigötum, og hefur höfðað mál gegn slitastjórn bankans sem fór á hausinn undir hans stjórn. Upphæðin sem hann vill fá nemur TVÖHUNDRUÐ-földum árslaunum mínum. Falleg þóknun það, fyrir að tapa peningum.


mbl.is Gefur launin til góðgerðarmála
Tilkynna um óviðeigandi tengingu við frétt

Ekkert vitað um áhrif bólusetningar

Ég hef ákveðið að fara ekki í bólusetningu gegn svínaflensu. Ástæðan er sú að mér hefur ekki verið sýnt fram á að flensan sé skeinuhættari en aðrar inflúensur. Í Svíþjóð er talið að jafnmargir hafi látist úr veikindum sem telja má til eftirkasta bólusetningar eins og úr flensunni sjálfri. Látnir í báðum tilfellum eru sjúklingar í áhættuhópi með undirliggjandi sjúkdóma, og eru því veilir fyrir.

Samkvæmt mínum upplýsingum af rannsóknarstofu sjúkrahúss í Munchen hvar tengdafaðir minn starfar, þá eru yfirgnæfandi líkur á að um manngerða inflúensu sé að ræða. Sem ætti ekki að koma neinum á óvart sem lesið hafa um svínaflensuna í erlendum fjölmiðlum. Bóluefnið hafa félagarnir á rannsóknarstofunni einnig rannsakað í þaula, og telja það ekki innihalda neitt það sem hættulegt getur talist umfram önnur bóluefni - utan það að geta valdið veikindum sem eru ekki stórt vandamál fyrir heilsuhraust fólk.

Undarlegast er hversu íslenska landlæknisembættið hefur beitt sér harkalega í að sem allra flestir skulu verða bólusettir gegn flensunni - rétt eins og sjálfur Svartidauði væru mættur á svæðið. Embættið hefur markvisst gert lítið úr efasemda- og gagnrýnisröddum á bólusetninguna - án þess að hafa nokkuð í höndunum sem styður málstaðinn. Málið er að ÞAÐ ER EKKI VITAÐ. Embættið hefur ekki getað stutt sig við nein töluleg gögn í málflutningi sínum - að eins flutt harða skoðun. Svona eins og til að réttlæta innkaup mörghundruðmilljón króna bólusetningarskammti.

 ....en já ég ætla semsagt að taka áhættuna á að fá flensu í nokkra daga, frekar en að verða veikur af bólusetningu í nokkra daga. Enda er ég nokkuð heilsuhraustur og þarf ekki að hafa stórar áhyggjur.


mbl.is Um 6000 bólusettir í dag
Tilkynna um óviðeigandi tengingu við frétt

Amerískur æsiþáttur um hesta á Reykjavíkurtjörn

Verð að leyfa mér að benda á þessa umfjöllun Amerískra sjónvarpsmanna um nokkra íslenska hesta og ísinn á Reykjavíkurtjörn sem brotnaði undan hrossunum síðastliðinn vetur. Fjölnir Þorgeirsson er þar í aðalhlutverki, og með fullri virðingu fyrir hans hlut í björgun hestanna - þá er einfaldlega stórkostlega fyndið að sjá hversu Kaninn nær að "dramatísera" hlutina út í ystu æsar.

Bankastjóri "Aríon" höfrungur?

Eitthvert það mest fyndnasta fyrirtækjanafn í seinni tíð hefur litið dagsins ljós, "Arion Banki".Reyndar ekki fyrsta fyrirtækið á Íslandi sem ber þetta nafn, því svo virðist vera sem verðbréfafyrirtæki í fullum rekstri beri einnig nafnið Arion.

En auðvitað mætti benda á það að sagan segir að grísku goðsögninni Aríon hafi verið rænt af sjóræningjum, og bjargað síðar á ævintýralegan hátt af höfrungum. Spurning hvort núverandi stjórnendur "Aríon banka" álíti að þeir séu höfrungar sem bjargi Kaupthing úr höndum sjóræningja? Það væri í það minnsta afar stórmannleg nafngiftarforsenda.

 

Arion

Arion dráttarvélar eru einnig vinsælar meðal bænda. Hef tekið í svona tæki, fínustu vélar. Skrítið hvers vegna endilega þarf að koma óorði á þessar fínu dráttarvélar. 


Hinn bóhemíski minnihluti

Húsafriðunarmál við Laugaveginn finnast mér afar skemmtileg.

Svo virðist að með aðgerðaleysi í miðbænum síðustu tvo áratugi hafi borgaryfirvöldum tekist að gera hann að einskonar Soho hverfi þar sem skítugar knæpur, rónar, eiturlyfjasala og stöðumælasektir þrífast afar vel. Þetta er líka einskonar ferðamannaparadís Grafarvogs- og Kópavogsbúa þar sem gott er að koma einu sinni í mánuði og míga á veggi og sparka í bíla.

Þegar að einkaaðilar vilja koma til hjálpar og breyta ásýnd og standard miðborgarinnar, þá taka einhver skrítnustu öfl hins bóhemíska minnihluta við sér og hrópa ÚLFUR ÚLFUR. Ég held að Þorgerður Katrín sé þroskaðri en svo að friða timburkofana við Laugaveg.

"Það eru tár á rúðunni."


Best að tala varlega núna

Það er aldrei að vita nema að Þorsteinn Davíðsson eigi eftir að dæma einhvern daginn í málum tengdum mér, þannig að það er betra að tala varlega. Allavega skilst mér að í hans ætt þá muni menn langt aftur í tímann. Ekki það að ég eigi von á málshöfðun, en maður veit aldrei sína framtíð alla.

Þess vegna ætla ég ekkert að tala um Þorstein Davíðsson.

Hins vegar fannst mér málflutningur Sigurðar Kára í Kastljósinu fyrir neðan allar hellur. Um mig fór einskonar kjánahrollur þegar hann lýsti embættisveitingu ráðherra síns sem vel ígrundaðri og faglegri. Púff. Sé eitthvað óhæft í þessu öllu saman, þá er það rökflutningur Sjálfstæðismanna.

Þegar ég hlusta á þennan dreng, bíð ég eftir að Sigurður Kári klári og hætti að tala.

Svo var þessi Sigurður Kári efnilegur á sínum tíma. Nú hefur hann hvað eftir annað látið senda sig í Kastljósið og á Rás 2 sem skósvein órökstyðjanlegra ákvarðana. Verður Sigurður Kári skósveinn vafasamrar ákvörðunartöku á Sjálfstæðisflokknum í mörg kjörtímabil í viðbót? Hefur hann ekki vit á því að benda á einhvern annan til að taka við? Er hann lægst "rankaður" í þingflokknum og þarf að taka þetta að sér?


Minningar af Grensás

Viðurnefnið Dabbi Grensás er vísast eitt skemmtilegasta viðurnefni sem ég hef heyrt lengi. Þótt gjörðir hans geti vart telist skemmtilegar, þá finnst mér viðurnefnið sem drengurinn hefur hlotið bera vott um dálitla snilld.

Þessi nafngift ber það væntanlega með sér að lendi maður í höndum Dabba Grensás, þá eigi maður dapra tíma framundan á spítala og svo endurhæfingu á Grensásdeild.

Svona "by the way" þá þekki ég ágætlega húsakynni Grensás. Afi minn var húsvörður þar, og nokkrum sinnum fékk ég að fara með honum í vinnuna. Þá gekk ég með honum um gangana, hjálpaði honum að skipta um ljósaperur og safna rusli og óhreinum þvotti. Svo fórum við niður í kjallara í kompuna hans og lögðum okkur á sófanum. Það var fínt. Svo gaf hann mér banana. Merkilegast fannst honum að Helgi Sigurðsson knattspyrnumaður vann í garðinum undir hans stjórn í heilt sumar. Þar þarf vart að taka fram að það er uppáhalds fótboltamaðurin hans, þó hann hafi farið í Val.

Í daglega lífinu heyrir maður mikið af ýmiskonar viðurnefnum sem eru skemmtileg, en verða svo partur af hverri persónu og upphaflega merkingin gleymist. Þannig umgengst ég daglega persónur sem hafa hlotið viðurnefni, sem þær fá sjaldnast að heyra sjálfar. Toppurinn er að finna viðurnefni sem festist við einhvern.

 

 


Hrós á eftir hrósi

Jæja þá er www.austurglugginn.is byrjaður að rúlla og verð ég einfaldlega að hvetja alla vinveitta til að linka á vefinn og lesa hann sem oftast, þó að ég sé ekki hlutlaus sem ritstjóri.

Það er athyglisvert og alls ekki leiðinlegt að fá hrós frá Björgvin Val í bloggfærslu hans um miðilinn. En mér hefur sýnst að það sé afar erfitt að fá hrós úr þeim herbúðum. :)

Í annan stað verð ég að hrósa nýjum fréttamanni RÚV á Egilsstöðum fyrir góða byrjun á Svæðisútvarpinu, og fyrir m.a. að þora að spyrja menningarfulltrúa Austurlands "erfiðra" spurninga sem hafa brunnið vörum nokkuð margra. Ég vona að hann haldi áfram á sömu braut.


Hennar tími er löngu kominn

Jóhanna Sigurðardóttir, hver er það?

Konan sem gagnrýnt hefur verðtrygginguna í öll þessi herrans ár.

Konan sem ég hélt að væri gribba og kæmi sínu fram.

Konan sem ég hélt að tæki strax til starfa.

Konan sem ég hélt að væri málsvari fólksins.

Konan sem allir virðast vera búnir að gleyma, og er félagsmálaráðherra.

 

Er hún gengin í Sjálfstæðiflokkinn? Eða er hún bara ánægð með stöðuna? Ætli hún láti einhvern tímann heyrast í sér? Eða ætlar hún bara að verða sendiherra eftir tvö ár?


Er bara til ein grafa?

Það er eitthvað svo íslenskt þetta þras við samgönguráðherra um hvort komi á undan Vaðlaheiðargöng eða Sundabraut. Af hverju í ósköpunum stilla fjölmiðlar og ráðherra málinu þannig upp að önnur hvor vegaframkvæmdin sé á undan eða eftir í röðinni? Þetta er svona sérhannað mál til að skapa úlfúð milli höfuðborgar og landsbyggðar.

Lykilatriði í málinu er að allflestir eru mjög sammála um að Sundabraut sé mikilvæg framkvæmd, og líka Vaðlaheiðargöng.

Er bara til ein beltagrafa í landinu? Gerum bara bæði í einu, og hættum að þrasa um málið.


Næsta síða »

Höfundur

Einar Ben Þorsteinsson
Einar Ben Þorsteinsson
talar frá Egilsstöðum

Færsluflokkar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 0
  • Sl. sólarhring: 1
  • Sl. viku: 20
  • Frá upphafi: 0

Annað

  • Innlit í dag: 0
  • Innlit sl. viku: 10
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband