Landbyggðarvæll dagsins

Það erfitt að sjá út hvernig sú ákvörðun að fella niður flutningsjöfnun á eldsneyti til landsbyggðarinnar varð til. Hver ætli hafi átt hugmyndina? Og hver ætli hafi klappað hverjum á bakið og sagt hana snilldarlega?

Á sama tíma og Vestfirðir fá 150 milljónir í sérstaka flutningsjöfnun, þá fá Austfirðingar ekki eina krónu til þess arna. Þegar flutningsjöfnun á eldsneyti er aflögð, þá hækkar eldsneyti í verð - og þar af leiðandi flutningskostnaður. Vart þarf að taka fram að flutningskostnaður er stór hluti vöruverðs á Austurlandi, enda vegalengdirnar mestar.

Sumir myndu kalla þetta aðhald á ríkisbuddunni. En ég ætla að kalla þetta fáránleg vinnubrögð!

Ég fer að gráta bráðum.

Athugasemdir

[Axel Jón Fjeldsted (IP-tala skráð) 14.11.2007 kl. 10:01]

hvað með að flytja annað og hætta þessu væli - bara hugmynd.

[Einar Ben Þorsteinsson, 14.11.2007 kl. 12:08]

Reyndar sýna vísindalegar rannsóknir að einungis 5% hugmynda séu góðar hugmyndir. Þess vegna eru 95% líkur á að þessi hugmynd þín sé léleg, Axel. - :) bara pæling.

[Birkir Viðarsson (IP-tala skráð) 14.11.2007 kl. 14:13]

Það hefur orðið til svona nýtt sentiment (vantar íslenska orðið) á síðustu 3mur árum. Það myndi í þessu tilfelli vera á þessa leið: af hverju að hafa flutningsjöfnuð fyrir ykkur austantjaldsmenn? Þið eruð með álver!