Hvað er fallegur foss?

Á visir.is segir að yfirfall úr Hálslóni við Kárahnjúka myndi FALLEGAN foss! Það er greinilegt að misjafn er smekkur manna. Ég ætla að dæma þennan foss LJÓTANN hér og nú. Að öðru leyti er fréttinn á Vísi útdráttur úr fréttatilkynningu Landsvirkjunar um að Hálslón sé fullt.

 En það var FALLEGT á Egilsstöðum í gærkveldi.

 

390.000 var stolið af mér - óskast skilað

Þátturinn hefur reiknað út hvað það hefði að segja það sem af er þessu ári ef vísitala neysluverðs til verðtryggingar væri reiknuð ÁN húsnæðisverðs, eins og annars staðar í Evrópu.

Á 15 milljón króna húsnæðisláni hefði hófuðstóllinn hækkað um 210 þúsund það sem af er þessa árs, ef húsnæðisverð væri ekki tekið til verðtryggingar.

Á 15 milljón króna húsnæðisláni hefur höfuðstóll hækkað um 600 þúsund það sem af er árinu.

 Þetta er verðmunur upp á 390 þúsund krónur, og samkvæmt skoðun Einars K. Guðfinnssonar, eru bankarnir hreinlega búnir að stela þessum peningum af mér, með aðstoð Hagstofunnar.

Ég VILL fá þetta tilbaka!!

Það hlýtur að vera alvarlegt ef verið er að hirða tugi milljarða af íslenskum neytendum á þennan hátt!!!!!! Treysti á að Einar K. Guðfinnsson taki þetta upp í ríkisstjórninni ásamt Jóhönnu Sigurðardóttir - sem allra mest hefur talað illa til verðtryggingar.

Sigurður K(L)ári vill hafa þetta svona:

Svona væri kannski hægt að blogga eftir 2 ár ef Sigurður K(L)ári fær að ráða:

17. júní 2009 

Var að koma úr Bónus, keypti mér eina kippu af Euroshopper bjór og eina Bónus rauðvín framleidda af 7 ára börnum í Xong héraði í Kína. Í DVD rekkanum rakst ég svo á rosa klámmynd með Jennu Jameson sem ég keypti á hörkutilboði. Við kassann rakst ég svo á Valíum og sterkt Íbúfen sem Actavis er með á sérstöku kynningartilboði, skellti mér á það líka. (morfínið var uppselt)

Þegar ég kom út var þar blaðsölustrákur sem seldi mér nýjasta eintakið af DV, með myndum af forsætisráðherranum í sturtu að raka á sér sportröndina, fékk í kaupbæti 1 gramm af eðalgrasi frá Jamaíku.

Gott hve samfélagið er orðið frjálst.

Sigurður K(L)ári

Það eru samþykkt rök að -> aukið aðgengi að léttvíni og bjór eykur neyslu! Áfengi er vanabindandi, því meira magns sem neytt er, því meiri líkur á að fleiri ánetjist og verði háðir áfengi.....er það ekki?

Eftirfarandi vandamál fylgja óhóflegri áfengisneyslu:

Geðsjúkdómar

Heimilisofbeldi

Hjartaáföll

Örorka

Umferðarslys

Sjálfsmorð

Almenn slys og óhöpp

Endilega að auka þetta aðeins SIGURÐUR K(L)ÁRI

Músin farin að naga kistulok Villa

Ég heyrði ekki betur en litla músin, Gísli Marteinmn, hefði notað fyrsta tækifærið til að naga líkkistu Gamla Góða Villa á Rás 1 í morgun.

Litla músin var spurð að því hvort honum þætti málflutningur Gamla góða trúverðugur. Og hann sagði "Hann verður að svara fyrir það." Í svarinu lá í línunum að honum þætti málflutningurinn ekki trúverðugur og líklega segði Villi ósatt um samskipti sín við Hauk í horni og Bjarna Ármanns.

Það er ljóst að Gísli Marteinn og félagar í borgarstjórnarflokknum hafa ekki einungis grafið Villa gröf, smíðað kistunua, auglýst jarðarför og fengið Binga prest til að jarðsyngja hann. NEI, Lilli klifurmús hefur grafið sér músarholu að kistulokinu og er byrjaður að naga.

14 ára raði áfengi í hillur? Hvernig verður þetta?

 Hvað þætt þér um það ef 14 ára sonur þinn fengi sér vinnu í ÁTVR, eða ynni í bónus við að raða bjór og léttvíni í hillur?

 Í Bónus á Egilsstöðum vinna börn, samkvæmt nýlegri úttekt Vinnueftirlitsins. Á kassann fæst helst ekki eldra fólk en 16 ára. Eiga þessar krakkar að afgreiða áfengi eftir nokkra mánuði? Íhaldssemi í sölu áfengis er líklegast eina skynsama leiðin í augnablikinu.

Á ég að trúa því að tvítugt fólk muni raða í hillur og afgreiða á kössum Haga og Kaupáss?

Ef til vill væri hægt að gefa vínsölu frjálsa í sérstökum vínbúðum. Að allir gætu opnað sína eigin vínbúð að uppfylltum skilyrðum. Þá héldist vín og matvara aðskilin. Þá héldust börn og áfengi frekar aðskilin. Þá væri einkaleyfi ÁTVR á vínsölu afnumið. Þá gæti Ríkið hætt að selja áfengi og bara hirt af því skatta.

 Hvernig væri það? Ég er bara ekki viss um að rétt væri að selja vín og bjór í Bónus, Hagkaupum og Kaupfélaginu.

 

 

Ég fékk flugferð

Ég fór í smá flugferð á föstudaginn með félaga mínum Jón Agli Sveinssyni, sem oft á tíðum flýgur með ljósmyndara og hreindýraskyttur um héraðið. Hann flaug með mig yfir Kárahnjúka og Eyjabakka og sýndi mér framkvæmdir LV. Það var soldið spaugilegt að sjá Eyjabakkana sem umhverfisverndarsinnar "björguðu" í samanburði við annað land sem fer undir vatn með Keldurárstíflu og Ufsarstíflu. Að líta yfir svæðið sem þar fer undir vatn var alveg eins og að horfa yfir Eyjabakka.

 Svo flugum við um Hengifoss sem er með hæstu frjálsu fallhæð íslenskra fossa....118metra

No comment

Það er gaman að hlusta á "sérfræðinga" um knattspyrnu tala saman.

Fyrir stuttu heyrði ég Willum Þór lýsa einum leikmanni íslenska landsliðsins sem gríðarlega öflugum, hann hefði svo háan ÞREKSTUÐUL. Þetta er mjög merkileg setning sem þýðir að vera ÞREKMIKILL.

Að öðru leyti þá segi ég "NO COMMENT" um leik íslenska landsliðsins í dag.

Friðarsúlan upp - vopn lögð niður í stórum stíl

Stundum er gáfumannatal - ekki mjög gáfulegt tal. Þó lenti ég í gáfumannatali í hádeginu við sérlegan raftæknifræðing. Það sem hann hafði að segja var nokkuð gáfumannalegt.

Hann var að velta fyrir sér hvað Friðarsúlan hefði eiginlega kostað. Hann var ekki viss um að kastararnir og steypuklumpurinn utan um þá væru stærstu kostnaðarliðirnir. Aðallega var hann viss um að spennan sem þarf til að knýja kastarana jafnist á við spennu fyrir um 200 íbúðir. Það væri því ekki nema á bilinu 600-900 þúsund sem orkan kostar á mánuði fyrir friðarsúluna.

Aðallega spáði hann í hvernig spennan væri útveguð út í Viðey fyrir súluna. Hann var viss um að kapallinn fyrir Viðey væri ekki nógu stór fyrir alla þessa orku. Það hefði pottþétt þurft að leggja nýjan kapal til Viðeyjar til að svala orkuþörfinni. Nýr kapall til Viðeyjar gæti kostað 20-30 milljónir króna ef tal okkar hefur verið gáfumannalegt.

En svo sagði hann: " En ég meina, þetta er Friðarsúla - hún má kosta hvað sem er! Er fólk ekki að leggja niður vopn í stórum stíl út af þessu núna út um allan heim? "

Ó - friðarsúlan

Það er táknrænt að seinasta embættisverk Vilhjálms sem borgarstjóra hafi verið að vígja Friðarsúluna í Viðey. Spurning hvort hún sé Ó - friðarsúla.

Gísli Marteinn er Júdas - Villi var krossfestur

Gísli Marteinn hóf árás gegn Vilhjálmi - sem endaði með dauða hans ( Villa ) Vilhjálmi verður ekki stætt á því úr þessu að verða leiðtogi Sjálfstæðismanna í borginni í næstu kosningum. ALDREI.

Það var aumkvunarvert að fylgjast með Gísla standa við hlið Villa í dag, og tala um óheilindi Björns Inga. Óheilindi Gísla Marteins gagnvart Villa standa upp úr! Það voru þau óheilindi sem eyðilögðu meirihlutasamstarfið - ekki óheilindi Björns Inga.

Sú tilraun stjórnarandstöðunnar í borginni (sjálfstæðisflokksins) að standa saman úti á tröppum hjá Villa og þykjast standa saman var fyndin.  Já fyndin. Eftir að borgarfulltrúar höfðu farið og klagað vonda Villa fyrir pabba (Geir Haarde) Bara fyndið. 

Þar stóð Júdas (Gísli Marteinn) við hlið Jesú (Villi), sem var krossfestur í dag.

Æ Frumlegri tölvupóstar berast

Í gegnum tíðina hef ég margsinnis fengið tölvupóst frá allskyns "afríkuglæpamönnum" sem bjóða ótrúlegar greiðslur fyrir talsvert skrítin viðvik.

 Þennan póst fékk ég í dag. Hann er einn af þeim frumlegri sem ég fengið.

From Mrs Joy Egaekweri
 
Dearest One,
 
Permit me to introduce my self, I am Mrs Joy Egaekweri, A citizen of Ajawfu, widow, and legitimate heir to the late former Minister of finance who was assassinated for been working with the ex-president Gnassingbe Eyadema.

I inherited a total sum of 14 million dollars from my late husband, The presure from my deceased husband's family for this money has compelled me to leave the FAMILY as i do not have a male Child as the custom demands. The money in queston is in a metallic trunk box deposited with a security and finance company in our nebouring country Cote d' ivoire under a secret arrangement as a family treasure not as money for securtiy resons.
This means that the security company does not know the content of this box that was shipped from TOGO to Cote d'ivoire under a diplomatic coverage.

My purpose of asking for your assistance lay down to the fact that, I don't want my late husband's family to be aware of the deposit, and the deposit statement of the box authorized the company to make this box avaliable for shipment on request only to my foreign bussiness representative, though unname.

Hence, I want you to contact the the security company as my bussiness partner / associate, after receiving the deposit information from me to enable the company release the consigment to you diplomatically, while I join you on the arrival of the box.

All you need to do is to help me contact the security company and introduce yourself as my bussiness partner /associate, requesting the shipment of the box to your address which you will provide.
And as soon as Diplomatic shipping agent approved the shipment and tell you the arrival date of the box then I will join you to give you 15% out of the total money instantly before I go on with the proposed investment in your domain provided is secured and investment friendly.

Please if you are interested and willing to represent me as my bussiness partner/associate kindly write me as soon as possible.

I awaits for your urgent response.
Best wishes
Mrs Joy Egaekweri

Kosninga-jöfnunarsjóður

Ég man þá tíð, það er ekki ýkja langt síðan - það var í mars á þessu ári. Þá var gerður samningur milli ÍSÍ og menntamálaráðherra um ferðajöfnunarsjóð vegna íþróttaferða.

 Ekkert hefur heyrst um framkvæmd samingsins síðan þá! Eftir hverju ætli sé verið að bíða? Réttara hefði verið að kalla sjóðinn Kosninga-jöfnunarsjóð.

Ósk mín um að kaupa hlutabréf í REI

Ég hef sent eftirfarandi bréf til OR:

 

Bt. Stjórnar Orkuveitunnar

Ég óska hér með eftir að eftirfarandi beiðni mín verði tekin fyrir á næsta stjórnarfundi Orkuveitu Reykjavíkur:

Ég Einar Ben Þorsteinsson, kt. 280876-2919 óska hér með eftir að fá að kaupa hlutabréf í Reykjavik Energy Invest á sömu kjörum og starfsmenn Orkuveitu Reykjavíkur, enda eru tengsl mín við Reykjavík Energy Invest þau sömu - þ.e. engin.

Verði beiðni minni hafnað, óska ég eftir rökstuðningi. Verði beiðni mín ekki tekin fyrir á stjórnarfundi, óska ég eftir tilkynningu um það - og hvers vegna.

Ég óska jafnframt eftir staðfestingu á að þessi tölvupóstur hafi verið móttekin og áframsendur á þá aðila sem málið viðkemur.

Með von um að erindi mitt fari réttar leiðir og verði samþykkt.

besta kveðja

Einar Ben Þorsteinsson

Bréf mitt var móttekið:

Fyrirspurn þín hefur verið móttekin. Við munum afgreiða hana við fyrsta tækifæri.Með kveðju Orkuveita ReykjavíkurBæjarhálsi 1110 ReykjavíkSími: 516 6000Fax:  [phone] 

ZERO tengsl - .

Ég óska hér með eftir að kaupa hlut í REI. Ég vill fá að kaupa á sama gengi og Bjarni Ármannsson, af því að daginn sem hann gekk til liðs við fyrirtækið voru hans tengsl þau sömu og mín, þ.e. ZERO.

Ég óska hér með eftir því að kaupa hlut í REI. Ég vill fá að kaupa á sama gengi og starfsmenn Orkuveitu Reykjavíkur, því tengsl mín við fyrirtækið eru þau sömu. Það er ZERO.

ZERO vegna þess að starfsmenn Orkuveitunnar sem sjá um að lesa á rafmagnsmæla, skúra, svara í síma og grafa skurði, hafa alls ekkert meiri rétt á kaupum í REI en ég. Ég verslaði nauðugur við fyrirtækið í mörg ár og vill fá sömu réttindi!

Óábyrgir bankar - baktryggðir af Seðlabankanum

Íslenskur lánamarkaður er skrítið fyrirbæri. Verðtrygging og okurvextir virðast vera alvarlegasta vandamál sem fjölskyldur landsins glíma við. Bankarnir eru í þeirri sérstöku aðstöðu að geta ekki tapað peningum hvað sem á dynur.Öll stærri lán til almennings frá bönkum eru verðtryggð, hækki vísitala neysluverðs þá hækkar höfuðstóll lánanna. Þannig eru bankarnir varðir fyrir öllum sveiflum í íslensku efnahagslífi. Neytendur eru hins vegar óvarðir, hækki neysluverð þá hækka ekki launin, en bankarnir eru tryggðir. Hækki verð á kornflexi, þá hækka lánin. Hækki lottómiðinn, þá hækka lánin. Hækki áskrift að Stöð 2 þá hækka lánin.Óverðtryggð lán bankanna eru einnig verðtryggð, ekki vísitölubundið heldur af Seðlabanka Íslands. Aukist verðbólga þá hækkar Seðlabankinn stýrivexti sína og vextir á óverðtryggðum lánum, svo sem á yfirdráttarlánum og öðrum neyslulánum hækka. Áhætta bankanna við lánveitingar er því enginn, og er þetta fyrirkomulag útlánahvetjandi fyrir bankastofnanir. Miðað við núverandi hagstjórn sitja bankarnir aldrei uppi með tímabil þar sem hagnaður er minni en gert var ráð fyrir. Öllu heldur hagnast bankarnir jafnt og þétt og lánveitingar þeirra eru verðtryggðar af Seðlabanka Íslands. Hvergi í byggðu bóli í Evrópu hagnast útlánastofnanir jafnvel og á Íslandi.Lánamarkaður hér á landi er talsvert frábrugðin lánamarkaði í öðrum Evrópulöndum þar sem verðtrygging lána tíðkast varla. Þar þekkja fasteignaeigendur ekki vítahring vísitölubindingar lána sem Íslendingar virðast samþykkja vöfflulaust. Meira að segja er húsnæðisverð bundið í neysluvísitöluna, sem þýðir það að ef fasteignir hækka í verði þá hækka lánin sem á þeim hvíla að sama skapi einnig. Bankarnir eru þannig búnir að fjárfesta í fasteignamarkaðnum með þeim hætti að ef fasteignir hækka, þá hækkar höfuðstóll allra útlána. Þetta sitja íbúðaeigendur í smærri byggðum einnig uppi með, þótt fasteignaverð hækki ekki þar að raungildi, það er ósanngjörn staða. Hækki fasteignaverð í Reykjavík – þá hækkar höfuðstóll fasteignalána á Borgarfirði Eystra.Það er erfiður vítahringur fyrir neytendur. Afnám verðtryggingarinnar væri eitthvert mesta framfaraskref Íslandssögunnar, án afnáms mun aldrei skapast samkeppni milli lánastofnana landsins og neytendur munu halda áfram að blæða. Jóhanna Sigurðardóttir, félagsmálaráðherra, hefur flutt ófáar ræðurnar um afnám verðtryggingar. Hennar orð eru ekki gleymd og vonandi man hún enn eftir þeim sjálf nú þegar hún er sest í ráðherrastól.Stýrivextir og vísitölubindingar gera bankana óábyrga í efnahagslífinu. Það skiptir engu hvort þeir láni of mikið og skapi þenslu, það er allt vísitölutryggt og verðtryggt í topp. Óverðtryggð lán eru svo í þokkabót verðtryggð af Seðlabanka Íslands. Þessi staða gerir bankana að óábyrgum aðilum sem geta ekki tapað vegna sveiflna í efnahagslífinu sem stafa meðal annars af of miklum og óábyrgum lánveitingum bankanna. Neytendur blæða og bankarnir græða.  

Bingi 10 - Villi 0

Ég sá tvo menn í Kastljósinu í kvöld, annar hét Villi og hinn hét Bingi.

 Villi stóð sig illa, og er lélegur lygari - gat ekki talað heiðarlega um hlutina og viðurkennt að hann var hafður undir af hinum borgarfulltrúunum.

Bingi stóð sig betur, og þorði allavega að segja hvaða skoðanir hann hefur, þótt þær kunni að vera rangar. Hann hafði þó sannfæringu, þótt hann hafi verið óvenju órólegur.

Frelsun dagsins?

Stundum er maður berskjaldaður og með opið hjarta. Þetta gerðist í dag þegar ég var viðstaddur 20 ára afmæli Fellaskóla og var að smella ljósmyndum.

 Þá settist ég á gólfið fyrir framan sviðið með 6 og 7 ára börnum og hlustaði á eldri börn syngja "Sameinumst og Hjálpum þeim". Áður en ég vissi af var ég farinn að syngja með og vagga mér með börnunum meðan ég tók myndir.  Skyndilega var ég farin að brosa út að eyrum og fannst allt fallegt.  

TAKK - börnin bættu hjartalag mitt þegar síst skildi......

 Skildi þetta vera frelsun dagsins?

Feitt er brauð B.inga og Villa

Þetta er bara fyndið!

 Nú leggur Orkuveitar Reykjavíkur upp í ferðalag með Hannesi Smárasyni og félögum í FL group. Áhættufjárfestum allra tíma. Orkuveitukarlarnir leggja undir fé almennings, meðan Hannes og félagar leggja undir sitt eigið fé.

Engin á eftir að deila á Hannes og félaga tapi þeir á fjárfestingunni, en hart verður deilt á Orkuveituna ef eitthvað klikkar.

 Um mig fer nú kínverskur hrollur.

B.ingi fetar í úldin fótspor Halldórs Ásgrímssonar

Ég held að Björn Ingi sé að klúðra þessu og sé jafnvel að missa sig úldin fótspor Halldór Ásgrímssonar, áður en hann nær að feta í fótspor hans sem formaður Framsóknarflokksins. B.ingi virðist vera orðin gjörspilltur á sínu fyrsta ári sem borgarfulltrúi, áður en hann komst einu sinni á þing.

Nei hann er búinn að klúðra þessu - hann mun tapa formanns kosningunni gegn Guðna, svona ca. 35% 65%

 Fótspor Halldórs voru alls ekki svo úldin þegar hann varð formaður Framsóknar, en urðu það hægt og rólega, smám saman með árunum fór almenningur að finna stækari og stækari ýldulykt af fótsporum Halldórs.

 Fótspor B.Inga úldna ansi hratt, og lykta af spillingu og kunningjagreiðum - alltof snemma á pólítíska ferlinum. Þeir fersku vindar sem ég hélt hann bæri með sér, virðast svo bara vera kínverskt logn.

...hann gæti enn beygt af leið og valið aðra slóð til að ganga eftir en úldin fótsporin hans Halldórs